Bantaba

Bantaba : Introducción

Muthar nire lagunak esaten du...

..Gambian, bere lurraldean,
migratzaile hegaztiek atsedena hartzeko leku bat dutela
Senegaleko muga ondoan.
Leku honek, BANTABA du izena.
BANTABA herriko plaza ere bada,
herri eta hiri guztietan dugun, leku irekia
herritarrek biltzeko elkartokia.
Bazkalostean, gizon eta emakume,
zahar eta gazte, musulmanak eta kristauak,
biltzen dira; arazoak, pozak, kontatzeko
euren ametsez mintzatzeko... hizkuntza ezberdinetan.
Hori da proiektu honen bidez lortu nahi duguna, BANTABA,
pertsonen eta elkarteen elkartokia
komunikatzeko eta trukatzeko aukera izan dezagun
(metodologia, tresna eta hizkuntza berrien bitartez)
esperientziak eta ikasketak aukeratu
gure ingurunea aldatzeko
gizatasun handiagorako garapenaren bidean.

Zer eskaintzen du webguneak?

Giza garapena, hezkuntza globala eta hirritaren partaidetza lantzen edo interesa dutenentzako bideratuta dago hemen aurki daitekeen baliabideen aukeraketa.
Bost sarbide ezberdinen bitartez eskeintzen dizugu; dokumentazioa, loturak, proposamen didaktikoak, bibliografi erreferentziak eta tresna ezberdinak. Hau dena baliagarria izan daiteke, gizarte eraldaketaren lanean, giza garapena, solidaritatea eta berdintasunaren ikuspegitik lantzen duten pertsona, gizarte mugimendu, GGKE eta ikerkuntza zentroentzat etab.
Eta, gainera, azpiorrialde bi erantsi ditugu: Zabalgune eta Ekintza Humanitarioari eta Garapenerako Lankidetzari buruzko hiztegia. Zabalgune espazio propioa da, eta euskerazko heziketa-lanerako baliabideak eta dokumentazioa eskaintzea du helburu. On line hiztegiak Karlos Pérez de Armiñok zuzendu eta Icaria eta Hegoak 2000. urtean argitaratutako Ekintza Humanitarioari eta Garapenerako Lankidetzari buruzko hiztegiko sarreren edukietara sartzea ahalbidetzen du.
Gure xedea, Hegoaren beste ekintza batzuek bezela, gure informazioa eta baliabideak sozializatzea izango litzateke, horregatik erabiltzera eta hedatzera gonbidatzen zaituztegu, askatasun osoz eta pertsona edo erakundearen premietara edo interesetara moldatua. Hau dela eta, Creative Commons, lizentzia, erabiltzen dugu.

Eduki zehatzak zeintzuk diren?

Bantaba 5 orrialdeetan, bakoitza bere izaera propioarekin, banatzen da. Banaketa hau ez da bakarrik, gai ezberdinak jorratzen dituelako baita tresna eta utilitate ezberdinak eskaintzen dituelako ere. Baliabide guztiak, informazio osoarekin, fitxetan ematen dira eta saretik eskura daitezke. Halaber, inprimatzeko aukera duzu, eta orrian bertan bilaketak egiteko aukera duzu, baita, zuzeneko sarbidea bilatzaile erabalgarrienetara ere.
Giza garapen ikuspegitik baliagarriak diren baliabideak (dokumentuak, loturak, bibliografia eta Bilboko eta Gasteizeko liburutegietara bilaketa zuzenak) eskaintzen ditugu, funtzesko eta aktualitate handiko gaiei buruz (Partaidetza eta Demokrazia, Ekitatea, Tokiko Garapena, Generoa Garapenean, Kulturartekotasuna, Gatazkak…).
Proposamen didaktikoak metodologi adierazleekin eta guzti, eta beharrezkoak diren baliabideak (eskemak, aurkezpenak, testuak, dinamikak, bibliografiak…) eskeintzen dira, gai ezberdinei buruz; giza garapena, generoa, kulturartekotasuna, garapen hezkuntza, komunikazioa, elikagien segurtasuna, nazioarteko lankidetza, etab. nahiz taldeka nahiz/edo pertsonalki prestakuntza izateko.
Leku honetan aurki daiteke, Garapen eta Elkartasun Hezkuntzari buruzko dokumentuak osorik; irakas baliabideen erreferentziak (erreferentziazko obrak, bibliografia, CD Rom-ak, bideoak eta gida didaktikoak; loturak beste webgune batzuetara eta Hegoak Gasteizen duen Irakas Baliabideen Zentroarekin, CEREC deritzonarekin, on-line sarbidea; eta ikastetxeek, esperientziak trukatzeko eta jakinarazteko gunea ere, badaukate.
Gizarte mugimenduekin eta gizarte zibilak sare alternatiboak (GGKEak eta lankidetza solidarioa, gizarte mugimenduak eta ekintza globala, gizarte komunikabideak, teknologi berrien erabilpen alternatiboak…) artikulatzeko gaiei buruzko baliabideen sorta (dokumentazioa eta loturak) aurki daitezke.
Nazioarteko lankidetzari buruz, iparraldean nahiz hegoaldean, udalerriak, erakundeak eta beste tokiko entitateak, garatu duten dokumentazio, lotura eta baliabide ezberdinak, aurki daitezke.

Gehiago jakiteko

Webgune, proiektu edo kolaboratzailei buruz, informazio gehiago jakin nahi izanez gero, "nortzuk gara" atalean , aurki daiteke.